女看灯台词唱词

女看灯台词唱词

沪剧《女看灯》相关唱词：
（旦唱）正月里来正月正，家家户户挂红灯。别人家红灯都挂起，我家红灯为啥勿挂起？
（婆白）喔唷新嫂嫂啊，侬勿晓得，我屋里红灯是有个，因为前年子买仔一盏红灯，拨勒我个宝贝儿子拿出去看灯，拨拉小流氓敲碎脱哉，所以今年勿买红灯哉。
（旦唱）婆婆说话勿中听，哪有看灯敲碎灯？我今要把红灯看，勿看红灯勿称心。
（婆白）啊呀新嫂嫂啊，侬要去看灯啊，勿好去个呀，外头人多手杂，挤得勿得了，我看侬还是勿要去个好。
（旦唱）婆婆勿要将我拦，我看灯去去就回还。倘然有啥长和短，勿关婆婆事相干。
（婆白）格么既然侬一定要去，让我叫我个儿子陪仔侬一道去，阿好？
（旦唱）勿用丈夫陪我行，我独自一个看灯去。三步并作两步走，两步并作一步行。行来已到大街上，大街之上闹盈盈。
（旦唱）东也是灯西也是灯，南也是灯来北也是灯。老头灯，白胡须，少年灯，粉妆成。姑娘灯，穿红绿，书生灯，戴方巾。农夫灯，拿锄头，裁缝灯，拿引线。木匠灯，拿斧头，铁匠灯，拿铁钉。三百六十行灯全有，还有那狮子灯滚绣球。
（旦唱）看罢灯来转家门，行来不觉到墙门。移步就把高堂上，婆婆跟前说分明。
（婆白）啊呀新嫂嫂啊，侬看灯转来哉啊，外头个灯阿好看啊？
（旦唱）多谢婆婆问一声，外头个灯真闹猛。千盏灯来万盏灯，看得我眼睛都发花。
（婆白）格么侬阿曾看见啥个新鲜花样灯啊？
（旦唱）有盏灯来真稀奇，百鸟朝凤在山里。凤凰站在梧桐上，百鸟飞来朝拜伊。
（婆白）喔唷，格盏灯倒好看个，还有啥个灯啊？
（旦唱）还有那，唐僧取经灯一盏，师徒四人往西行。悟空前面把路引，八戒沙僧后面跟。
（婆白）喔唷，格盏灯也勿错，还有伐？
（旦唱）还有那，吕布戏貂蝉灯一盏，凤仪亭上情意绵。董卓老贼冲进来，气得吕布眼瞪圆。
（婆白）喔唷，格种灯也有啊，还有啥好看个灯啊？
（旦唱）还有那，牛郎织女灯两盏，天河隔断两姻缘。每年七月初七夜，鹊桥相会泪涟涟。
（婆白）喔唷，新嫂嫂侬记性倒好个，看仔一转灯，记得牢仔许多。
（旦唱）非是我记性好来记得牢，只为那灯儿做得实在巧。若问还有啥个灯，说仔一夜也说勿了。

女看灯下载地址