夫妻相骂台词唱词

夫妻相骂台词唱词

（甲扮夫，乙扮妻）

甲：阿囡娘啊！
乙：啥体啦？
甲：侬看侬，一日到夜只晓得打牌，屋里事体一眼勿管，像啥样子！
乙：啥人讲我勿管？我管起来侬吃得消伐？
甲：侬管？管勒啥地方？我昨日转来，镬子冷冰冰，台子乱糟糟，连口热茶也呒没！
乙：侬自家勿会烧啊？我又勿是侬佣人！
甲：我讨侬转来做啥？就是服侍我个呀！
乙：喔唷，侬当侬是老爷啊？现在啥个时代哉，男女平等懂伐？
甲：平等？好，平等末，大家勿做，饿煞拉倒！
乙：饿煞就饿煞，啥人怕啥人！
甲：侬迭种女人，蛮勿讲理！
乙：侬迭种男人，小气得要命！
甲：我小气？我工钿全部交拨侬，自家身浪用脱几钿？
乙：侬交拨我？侬交拨我个铜钿，买小菜也勿够！
甲：啥？我一个月赚五十块，侬讲买小菜勿够？侬当顿顿吃鱼翅燕窝啊？
乙：鱼翅燕窝？侬买得起伐？买块豆腐还要搭我算半日账！
甲：我算账？我勿算账，侬老早拿铜钿侪送拨麻将搭子哉！
乙：我打麻将赢个辰光侬哪能勿讲？
甲：赢？赢三钿输五钿，赢来赢去侪是输！
乙：我输侬肉痛哉？侬自家吃香烟吃老酒，哪能勿肉痛？
甲：我吃香烟吃老酒，是应酬呀！
乙：应酬？应酬到半夜三更转来，身浪还有香水味道！
甲：啥个香水味道？侬勿要瞎三话四！
乙：我瞎三话四？隔壁张师母昨日亲口搭我讲，看见侬搭一个烫头发女人勒一道走！
甲：哦，张师母啊？张师母个闲话侬也好相信？伊自家搭弄堂口剃头师傅勿清勿爽！
乙：侬勿要拉别人垫背！讲，烫头发女人是啥人？
甲：呒没啥人！我搭侬讲，侬再缠勿清爽，我要光火哉！
乙：侬光火？我还光火来！日里做生活，夜里还要搭侬吵，我命哪能介苦！
甲：侬命苦？我讨着侬迭种老婆，我命还要苦！
乙：苦末离婚好哉！
甲：离婚？离就离！啥人怕啥人！
乙：好！明朝民政局门口见！
甲：见就见！勿去是孙子！
乙：侬骂我孙子？
甲：我骂侬？我啥辰光骂侬？
乙：侬讲“勿去是孙子”，侬就是骂我！
甲：我是讲我自家呀！
乙：侬自家？侬自家是孙子，我勿是！
甲：好好好，我是孙子，侬是阿奶！
乙：啥？侬骂我老？
甲：我勿是骂侬老，我是讲侬辈分大。
乙：辈分大？我勿要当阿奶，我要当大小姐！
甲：大小姐？侬照照镜子，大小姐？
乙：我哪能勿像大小姐？我年轻辰光，弄堂里向也算一只鼎！
甲：一只鼎？一只煤球炉子！
乙：侬！侬再讲一遍！
甲：我讲侬年轻辰光漂亮，像一只鼎——一只金鼎！
乙：金鼎？侬当我是香炉啊？
甲：香炉也蛮好，供勒屋里，日日拨侬烧香！
乙：烧香？侬咒我死啊？
甲：我勿是咒侬，我是尊敬侬呀！
乙：尊敬我？尊敬我末，还搭我吵？
甲：是侬先吵个呀！
乙：是侬先骂我个！
甲：我骂侬啥？
乙：侬骂我“蛮勿讲理”！
甲：侬是蛮勿讲理呀！
乙：我哪能蛮勿讲理？侬讲出来！
甲：昨日我转来，看见灶头间里向，一只碗也呒没汰，我讲一句，侬就跳起来！
乙：我跳起来？我勒揩面，侬冲进来就讲：“侬只晓得白相，碗也勿汰！”我揩面也算白相？
甲：揩面揩半个钟头？侬勒揩面还是勒画皮？
乙：我画皮？我画皮也拨侬看？侬配伐？
甲：我勿配，我勿配，外头配个人来看！
乙：侬去呀！侬去寻外头人！我明朝就转娘家！
甲：转娘家？侬转去呀！侬转去仔勿要再转来！
乙：我勿转来！我死也死勒娘家！
甲：好！有志气！我帮侬理衣裳！
乙：勿要侬理！我自家会理！
甲：侬理！侬理！我帮侬喊三轮车！
乙：喊呀！喊到火车站！
甲：火车站？侬娘家勒苏州，坐火车倒便当。
乙：我勿去苏州，我去杭州！
甲：杭州？侬杭州有亲眷？
乙：我杭州有……有表阿姐！
甲

夫妻相骂下载地址