大年三十台词唱词

大年三十台词唱词

（白）各位听客，今朝是年三十夜，大家屋里厢侪勒吃年夜饭。我伲绍兴有句老话，叫“有钱没钱，回家过年”。但是啊，这大年三十夜里头，有人欢喜有人愁。

（唱）
正月里来是新春，大年三十闹盈盈。
家家户户红灯挂，炮仗声声接财神。
上八珍下八珍，鱼肉虾蟹摆满盆。
有钱人家吃酒肉，无钱人家冷清清。
我名叫阿兴本姓王，三十夜里苦伤心。
一年到头忙到暗，屋里老小等开门。
手里无铜钿，怎样转家门？
左思右想无主意，双脚迈向自家门。
推开门来看分明，堂前灯火亮晶晶。
老婆笑吟吟，儿女着新衣。
桌上摆满酒和菜，热气腾腾暖人心。
我问老婆啥讲究，老婆说：
“哪怕再穷也要过年景。
左邻右舍借点米，当掉棉袄买点荤。
一家人团聚比啥好，粗茶淡饭也开心。”

（白）哎呀，我听老婆迭能一讲，这眼泪水就止勿牢往下掉。真当是“妻贤夫祸少，子孝父心宽”。我本来还怕转去要挨骂，勿晓得伊迭能贤惠。

（唱）
听罢言来泪汪汪，贤惠老婆好心肠。
人家老婆穿金戴银，我老婆操持家务受风霜。
今朝三十年夜饭，粗菜淡饭分外香。
一家老小团团坐，欢声笑语满厅堂。
勿怨天来勿怨地，只怨自家少铜钿。
明年开春多着力，做牛做马也要挣点钱。
待到明年三十夜，丰衣足食谢苍天。

（白）吃罢年夜饭，小囡困觉去。我搭老婆坐勒火盆旁边，守岁迎新。

（唱）
守岁守到半夜过，迎新接福开门来。
炮仗乒乓响连天，辞旧迎新笑颜开。
大年初一头一天，阿兴出门去拜年。
碰着东家分红包，碰着西家吃老酒。
一年更比一年好，风调雨顺大丰收。
莲花落唱到此处停，祝各位听客大发财！

大年三十下载地址